Aymar aru

Radoje Domanović (16 febreruta 1873 – 17 agustuta 1908) Serbia markata qillqiri, yatiyäwiri, yatichirirakiwa, jach’a sutini qillqatanakapata.

Radoje Domanović Ovsište aylluna chika Serbia markana wawachatawa, aylluna yatichiri wawapa ukampinsa sarxatayiri Miloš Domanović, Persida Cukić ukhamaraki, Pavle Cukić wilamasipawa, mä militaranakana p’iqtiri mayïrimpi payïrimpi Serbiana sartasiñapa. Jisk’a llukalla pachana ayllu Jarušice Kragujevac jak’ana jakasirixa, ukana yatiqañapa qalltawixa, jupa Kragujevac yatichawina tukuwixa, ukampinsa Belgrado jach’a yatiñ utana yatiqawixa philusufia ulaqasina, ukana yatiqawixa serbiana arupa nayra serbiamarka kamañapampi.

1895 marana, Domanović mayïri irnaqawipa qalltawix, yatichiri Pirot ukana, Serbia mayasa aynachana, uraqi jichhaqi Otomano Suyuta qhispisiwixa. Pirot ukana, jupa Jaša Prodanović uñt’asiwitanawa (1867–1948), activistaraki yatichiriraki yanapasina jupan pulitika amuytawinakapa. Ukjana warmiparu uñst’awirakiwa, Natalija Raketić (1875–1939), t’aqhi yatiñ utana yatichiri Sremski Karlovci uraqita purita, Natalija walipuni yanaptawixa thijwa jisk’a jakawipana, kititakiru kimsa wawachawixa.

Partido Radical del Pueblo upusisiuna mantasina, jupa markamasipi mallku Obrenović uñisiñaru mantaniwixa, akhama 1895 marana Vranje uraqiru purintawixa, ukhamaxa 1896 marana Leskovac uraqiru purintawixa. Domanović ana qillsuña yatiqañapa qalltawix yatichiri urunakapana yatiñ utana, mayïri pankapa qillqata 1895 marana apsuniwixa, qhipata 1898 mayïri uñt’ata gobierno kutipasina, warmipampi jupampi khitarpayasiwixa, ukhama Domanović wilamasinakampi Belgrado markaru sarxatawixa.

Belgrado uraqiru purisina qillqiri irnaqawiru qalltaniwixa yaqha qillqirinakampi sapa simana jisk’a pankanaka “Warawara” sutichata yaqharaki “Eco” sutichayata pulitiku uñthapisita. Uka pacha satirico (jununtaña qillqawi) pankanakapa qillqaña qallantawixa “Saxra” ukhampacha “Chuyma ch’allxtayanaka quipaqayaña” satata. Radoje uñst’ata jilantawixa qillqasina “P’iqinchiri” pankaxa (1901)  ukxamarusa „Llunkumarka“ (1902), aka pankana jan axsarampi qillqanuwixa k’arinaka puraparu ajanuninakaru markachirinakata.

Golpe de estado qhipata Aleksandar Obrenović jaqsuñata 1903 marana, walipuni uñst’ata, Domanović katuqawixa Ministro de Educacionataki, machaqa markachiri Alemania markaru yatichsuwisiñataki marpacha khitanuwixa, Munich uraqiru. Serbia markaru kutintaxatasina, Radoje llakita tumpasiwixa markachawi niya kikipakiskanatawa. Ukhamaxa qalltawixa apsuri jupankiri Jisk’a pankapa sapa simanana „Stradija“ (Llunkumarka) sutichayata, ukana qallantawirakiwa k’umiña uka aynacht’awi machaqa markachirinakata, ukampinsa aka qillqawinaka janiw nayrïri ukhama uñst’ataru purintawixa.

Radoje Domanović 1908 marana llump’aqa 17 chika aruna ch’axtani chhaqhawixa, 35 phuqhata marampi, walja maranakampi tuberculusis ukahmarusa neomonia usumpi sarnakasina. Amay imatatawa Belgrado nuevo cementerio. Qhipïri qillqawinakapa Nayrïri Jach’a awqasiña chhaqhawixa. Wakisiri ch’amampi janiw atipasiwix fuerzas reaccionarianakampi ch’khipuniwa, jupan sutipa wali uñkatatawa aski qillqiri Serbia markana siglo XX qallasina.

Pankanakapa:

Radoje Domanović wali sutiyata panakanakapa akanakawa:

  • Chuyma ch’allxtayanaka quipaqayaña, 1898
  • Jiwata umapacha, 1902
  • Llunkumarka, 1902
  • Marko mallku Serbia markata jaqinakana payiri kutiwa, 1901
  • Mä amuytawi Serbia markata turuta, 1902
  • P’iqinchiri, 1901
  • Saxra, 1898

Proyecto “Radoje Domanović” jakayataskiwa tata Vladimir Živanović yanasapampi, jupaxa ingeniero de calidad mistutawa ukhamarusa chuyma qhanartayata ullirirakiwa, ch’amachasisina atamiriru qillqata phuqhata pankanaka Serbia markata qillqiri Radoje Domanović uñachayañataki, iyaw sakiña taqpacha markanakaru ullirinakaxaru aka uriginala jaqukipatanaka pankanakampi. Akapachana Proyectotaki jichhapuniwa apsutawa aka  jaqukipatanaka pankanaka:

“Radoje Domanović” Proyectotaki Jeannine Alcon aymara aruru jaqukipiri jaqukipatawa.

 

 


[Contents of this biographical reference page were written for the “Radoje Domanović” Project with the goal of promoting the life and works of the famous Serbian satirist, Radoje Domanović, and are released into public domain. Editor]

%d bloggers like this: